Psa 113 | TVK | STEP | Mupet rat his Iahova, xamim xa mube moletin te polien nan.

Psalms 113

Mupet rat His Iahova ve Hosien Xil Nan

1 Mupet rat his Iahova, xamim xa mube moletin te polien nan.
2 Reitin, mupet rat hisen, taxeak e vehakut.
3 Xamim vus xa mudi ut xa eai mistal nggo en
ituxoh xamim xa mudi rute xa eai di minu en,
mupet rat his Iahova.
4 Lelaxatien nan mikapis xol ut xil ngasen te ut etan,
miehen mileluv xole e be nesao mili tilang hat.
5 Neta tovuol vaxoni Iahova nar.
Xi de ut nesao e miketeh xol holesok xil vus.
6 Xi mitamet e miketeh be tan
tengan vapus holesok xil xa di tilang hat e di ut etan.
7 Ngan xil xa labe hoeo,
xi di milah rat xil ra vulmeas xa ladi en.
Ngan xil xa holesok nae tovuol,
xi di dal rat xil reling pangasien xil nae.
8 Iahova misa merereen mi xil ixoni ngan xa labe eilep.
Reitin mak, xi ipol ni mosav xil likes xil ni eilep.
9 Ngan xil xa labe lumalum e horamue tovuol e tim sae,
Hi ipo rat xil.
Xi isak ni xil mei lihe nana xil xa liti e sien,
xi ipol ni xil lileh tuvava nae xil.

!Mak, ma bos xa mupet rat his Iahova!